Español - Latín

SECCIÓN - ÍNDICE

Litaniae Sancti Joseph

Kýrie, eléison.

Christe, eléison.

Kýrie, eléison.

Christe, audi nos.

Christe, exáudi nos.

Pater de cælis Deus, 

℟. Miserére nobis.

Fili Redémptor mundi Deus,

Spíritus Sancte Deus,

Sancta Trínitas unus Deus,

℣. Sancta María, 

℟. Ora pro nobis.

Sancte Joseph,

Proles David ínclyta,

Lumen Patriarchárum,

Dei Genitrícis sponse,

Custos pudícæ Vírginis,

Fílii Dei nutrície,

Christi defénsor sédule,

Almæ Famíliæ præses,

Joseph justíssime,

Joseph castíssime,

Joseph prudentíssime,

Joseph fortíssime,

Joseph obedientíssime,

Joseph fidelíssime,

Spéculum patiéntiæ,

Amátor paupertátis,

Exémplar opíficum,

Domésticæ vitæ decus,

Custos vírginum,

Familiárum cólumen,

Solátium miserórum,

Spes ægrotántium,

Patróne moriéntium,

Terror daémonum,

Protéctor sanctæ Ecclésiæ,

Agnus Dei, qui tollis peccáta mundi, parce nobis Dómine.

Agnus Dei, qui tollis peccáta mundi, exáudi nos Dómine.

Agnus Dei, qui tollis peccáta mundi, miserére nobis.

℣. Constítuit eum dóminum domus suæ.

℟. Et príncipem omnis possessiónis suæ.

Orémus. Deus, qui ineffábili providéntia beátum Joseph sanctíssimæ Genitrícis tuæ sponsum elígere dignátus es: præsta, quaésumus; ut quem protectórem venerámur in terris, intercessórem habére mereámur in cælis: qui vivis et regnas in saécula sæculórum. 

℟. Amen.